SQO-da 6 jol ýchaskesin sý shaıyp ketti
PETROPAVL. KAZINFORM – Soltústik Qazaqstan oblysynda erigen qar sýy oblystyq jáne aýdandyq mańyzy bar 6 jol ýchaskesin shaıyp ketti. Oqıǵa ornynda polıtseıler kezekshilik atqaryp jatyr.
SQO Tótenshe jaǵdaılar departamenti baspasóz qyzmetiniń málimetinshe, Ýálıhanov aýdanyndaǵy Jasulan aýylynan 5 km jerde «Aqbulaq-Jasulan» aýdandyq mańyzy bar avtojoldy sý shaıdy. Sý basqan ýchaskeniń uzyndyǵy 7 m, tereńdigi 10-15 sm. Qazirgi ýaqytta avtokóliktiń barlyq túrine shekteý qoıylǵan, Jasulan-Mortyq baǵyty boıynsha balama jol bar.
Taıynsha aýdanyndaǵy jergilikti mańyzy bar «Krasnokıevka-Oktıabrskoe» avtojolynyń 9, 10, 11 shaqyrymyndaǵy úsh ýchaskeni sý basty. Tereńdigi nebári 4 sm bolǵandyqtan kólik qatynasy bar, tek jol belgileri qoıyldy. Eldi mekenderge qaýip joq.
Ýálıhanov aýdanyndaǵy Aqtúıesaı aýylynan 1 km qashyqtyqta «Aqtúıesaı-Shaǵyrsaı» aýdandyq mańyzy bar avtojolynan uzyndyǵy 15 m, tereńdigi 10-15 sm bolatyn sý ketti. Qozǵalys avtokóliktiń barlyq túri úshin qozǵalys shektelgenimen, balama jol bar.
Aqjar aýdanyndaǵy oblystyq mańyzy bar «Qazgorodok – Gorkovskoe» avtojolynyń 123 km-de qardyń qarqyndy erýine baılanysty jol tósemi arqyly sý ótti. Sý alǵan ýchaskeniń uzyndyǵy 200 m, tereńdigi 10-15 sm. Kólik quraldarynyń barlyq túrleri úshin qozǵalys shekteýli. Qazirgi ýaqytta barlyq sý basqan ýchaskelerde polıtsııa qyzmeti kezekshilik atqaryp jatyr.
