SQO-da 5 myńnan astam adam baspanaly bolady

Soltústik Qazaqstan oblysynda 5 myńnan astam adam turǵyn úı jaǵdaıyn jaqsartady. Bul týraly Soltústik Qazaqstan oblysynyń ákimi Gaýez Nurmuhambetov aıtty, dep habarlaıdy Kazinform.

«Bıyl óńirde 300 myń sharshy metr turǵyn úı salý josparlanǵan. Petropavlda birneshe perspektıvaly shaǵyn aýdandar boı kóterip, keńeıýde. Qazirgi ýaqytta «Jas Órken», «Bereke», «Qopaı» jáne «Ortalyq» shaǵyn aýdandarda qurylystar jalǵasýda. Bıyl 24 kóppáterli úı, onyń ishinde Petropavlda 22 jáne aýdan ortalyqtarynda 2 turǵyn úıdi qoldanysqa berilmek. Onyń 8-i - bıýdjet esebinen, 16-sy – kommertsııalyq. Nátıjesinde 5 myńnan astam adamnyń turǵyn úı jaǵdaıy jaqsarady», - dedi óńir ákimi Ortalyq kommýnıkatsııalar qyzmetindegi brııngte.

Gaýez Nurmuhambetovtiń aıtýynsha, aldaǵy jyly 1941 páterdi qamtıtyn 26 úı salynady. Onyń ishinde Petropavlda 23 úı jáne aýdan ortalyqtarynda 3 úı salynbaq. Úsh jyldyń ishinde shamamen 1 mln sharshy metr turǵyn úı salý josparlanyp otyr.