SQO-da 5 qabatty turǵyn úıden órt shyǵyp, 23 adam evakýatsııalandy

PETROPAVL. QazAqparat – Soltústik Qazaqstanda órt sóndirýshiler 24 adamdy evakýatsııalap, qutqardy, dep habarlaıdy QazAqparat.

Tótenshe jaǵdaılar mınıstrligi baspasóz qyzmetiniń málimetinshe, búgin, 20 tamyzda saǵat 06.46-da 101 telefonyna Petropavl qalasynda 5 qabatty turǵyn úıdiń 2 qabatynan tútin shyqqany týraly habarlama túsken.

Saǵat 6.53-te qutqarýshylar jetip, páterdiń balkonynan qatty tútin shyqqany anyqtaldy. Órt sóndirýshilerdiń úılesimdi áreketiniń nátıjesinde 1928 jylǵy er adam órt ornynan qutqaryldy, sondaı-aq baspaldaqpen 23 adam evakýatsııalandy.

Oqıǵa ornynda 3 birlik tehnıka jáne jeke quramnan 9 adam jumys istedi. Órt saǵat 7.04-te joıyldy.

TJ mınıstrligi órt qaýipsizdigi erejelerin múltiksiz saqtaý qajettigin eske salady.