SQO-da 25 myń ga jer memleket menshigine qaıtaryldy
PETROPAVL. KAZINFORM – Soltústik Qazaqstan oblysynyń prokýratýrasy bos jatqan jerlerdi anyqtap, olardy memleketke qaıtarý boıynsha keshendi jumys júrgizip jatyr.
SQO prokýratýrasy baspasóz qyzmetiniń málimetinshe, qadaǵalaýshy organ jyl basynan beri memleketke jalpy somasy 497 mln teńge bolatyn jer ýchaskesin qaıtardy. Mysaly, Taıynsha jáne Ýálıhanov aýdandarynda kásipkerler Jer kodeksiniń talaptaryn buza otyryp, uzaq ýaqyt boıy aýyl sharýashylyǵy maqsatyndaǵy jer ýchaskelerin nysanaly maqsaty boıynsha paıdalanbaǵan. Nátıjesinde menshik ıelerinen jalpy aýdany 25,1 myń ga jer qaıtaryldy.
«Qadaǵalaý sharalary arqyly sot tártibimen jer memleketke qaıtaryldy jáne búginde zańdy ekonomıkalyq aınalymǵa tartylyp jatyr. Bul baǵyttaǵy jumys jalǵasady», - dedi óńir prokýrorlary.
Buǵan deıin SQO turǵyny qazaq jastaryna omartashylyq kásipti tegin úıretip júrgenin jazǵan edik. Meıramjan Káshkeuly sondaı-aq ózi turatyn aýdandaǵy qazaq mektepterine kúz mezgilinde tegin bal taratady.
