SQO-da 19 aýyl men eki shaǵyn qalany elektrmen jabdyqtaýda problema bar
Soltústik Qazaqstan oblysynda jańbyr jaýyp, boran tursa birneshe eldi meken jaryqsyz qalady. Keı turǵyndar birer táýlik elektr qýatynsyz otyrýǵa májbúr. Sala mamandarynyń aıtýynsha buǵan elektr jabdyqtarynyń tozýy sebep, dep habarlaıdy Kazinform.
SQO energetıka jáne turǵyn úı-kommýnaldyq sharýashylyq basqarmasynyń málimetinshe, óńirde elektrmen jabdyqtaý júıesi 80% - dan 136% - ǵa deıin tozǵan. Eń qaýipti ýchaskeler barlyq 8 aýdandy - 19 aýyl men eki shaǵyn qalany qamtıdy.
"2023-2025 jyldarǵa 8 446,8 mln teńge ınvestıtsııa qarastyrylǵan. Bul elektr jabdyqtarynyń tozýyn tejeýge múmkindik beredi. 2025 jylǵa qaraı tozý 97,3% jetpek. Jalpy jyl saıyn ortasha 2,3-2,6% jabdyqtar tozady. ıAǵnı 2029 jylǵa qaraı kompanııanyń negizgi quraldarynyń tozýy 105% asyp ketpek. Osy kezeńge tozýdy 80% deıin tómendetý úshin shamamen 80,2 mlrd teńge qajet", - deıdi SQO energetıka jáne turǵyn úı-kommýnaldyq sharýashylyq basqarmasy basshysynyń mindetin atqarýshy Vladıslav Lýkın.
«Sevkazenergo» AQ bas dırektory Anatolıı Kazanovskııdiń aıtýynsha, máseleni sheshý úshin kompanııanyń óz qarajaty jetkiliksiz, nesıelik mindettemeleri bolǵandyqtan ekinshi deńgeıli bankterden nesıe de ala almaıdy.
"Soltústik Qazaqstan elektr jelisin taratý kompanııasy" AQ 2023 jyldyń qyrkúıeginde memlekettiń jáne jáne tabıǵı monopolııalar sýbektisiniń memlekettik baǵdarlamalarǵa qatysýyn surap, jergilikti atqarýshy organǵa ótinish joldady. Nátıjesinde 20 989,489 mln teńge kóleminde ınvestıtsııalar alýǵa bolady.
Máseleni sheshý úshin 2 deńgeıli bankterdiń qatysýynsyz óteýsiz memlekettik sýbsıdııa bólý nemese 0,01% aspaıtyn mólsherlememen memlekettik jeńildikti kredıtteý. Tólem 5 jylǵa deıin keıinge shegerilip, negizgi borysh pen syıaqyny tarıf arqyly 30 jyl ishinde qaıtarýǵa múmkindik jasalsa", - deıdi Anatolıı Kazanovskıı.
