SQO-da 13,5 myńnan astam turǵyny bar 144 eldi meken ınternetsiz otyr
SQO tsıfrlyq tehnologııalar basqarmasynyń basshysy Azamat Baıtemirovtiń aıtýynsha, oblys turǵyndarynyń shamamen 97,5 %-y - 523,5 myń adam ınternet jelisine túrli tehnologııalar boıynsha qosylý múmkindigine ıe. Qalada jaǵdaı birshama jaqsy bolsa, aýyldarda másele áli kúnge ózekti. 635 aýyldyń 491-i ǵana ınternetti paıdalanyp otyr.
«Qazir Úkimet baılanys operatorlaryna 250-den astam turǵyny bar barlyq aýyldardy ınternetpen qamtamasyz etý mindetin qoıyp otyr. Bul tapsyrma birtindep oryndalyp keledi. Qazir óńirde turǵyn sany 250-den aspaıtyn 338 aýyl bolsa, sonyń 144-inde ınternet joq», - deıdi Azamat Beıtemirov.
SQO ákimi Qumar Aqsaqalovtyń aıtýynsha, indet kezinde ınternetke suranys eselep artty. Turǵyndar aqshasyz tólemge basymdyq berdi. 2017 jyly óńir halqy osylaısha 25 mlrd teńgeniń saýdasyn jasasa, byltyr ol 510 mlrd teńgege deıin jetken.
«Sońǵy eki jylda 150-ge jýyq eldi mekenge ınternet jetti. Bul aýyldarda 35 myń adam turady. Áleýmettik nysandarda, ákimdikte úzdiksiz berilip tur. Alaıda keı jaǵdaıda sapasy syn kótermeıdi. Turǵyndardyń ótinishimen 30 eldi mekende qamtýdy jáne jyldamdyǵyn tekserdik. 19-ynda jyldamdyq tıisti kórsetkishke saı bolmady. Jaýapty operatorlarǵa 8,5 mln teńgege aıyppul salyndy. Sondyqtan qazir ár aýyldyq okrýgke osyndaı tekseris júrgizýdi tapsyramyn. Ár fakti boıynsha aqparat jınap, shara qoldanýy úshin mınıstrlikke jiberý qajet», - dedi Qumar Aqsaqalov.
