SQO-da 12 jabyq saılaý ýchaskesi jumys istep jatyr

PETROPAVL. QazAqparat – Soltústik Qazaqstan oblysynda 12 saılaý ýchaskesinde daýys berý merziminen buryn aıaqtalady, dep habarlaıdy QazAqparat tilshisi.

SQO saılaý komıssııasynyń málimetinshe, óńirde 12 jabyq saılaý ýchaskesi jumys istep jatyr. Olar emdeý mekemelerinde, áskerı bólimderde jáne qylmystyq atqarý júıesi departamentiniń tergeý ızolıatorynda ornalasqan.

«Petropavldaǵy 7 emdeý mekemesinde, taǵy bireýi - Jambyl aýdandyq aýrýhanasynda, úsheýi áskerı bólimde jáne bireýi ES-164/1 mekemesinde ornalasqan. Jabyq saılaý ýchaskelerinde saılaýshylar sany az bolǵandyqtan, tizimdegi eń sońǵy daýys berýshi kelip-ketisimen saǵat 20.00 kútpeı jabylady», - deıdi SQO saılaý komıssııasynyń músheleri.

SQO boıynsha QAJD tergeý ızolıatorynda, ıaǵnı ES-164/1 mekemesinde № 656 jabyq saılaý ýchaskesi quryldy. Bul jerde 154 adam saǵat 10.00-ge deıin óz tańdaýyn jasady.

«Daýys berýge úkimderi zańdy kúshine enbegen kúdiktiler, aıyptalýshylar jáne sottalǵandar qatysady. Olardyń barlyǵy aldyn ala eskertildi. Saılaý ýchaskesinde sanıtarlyq talaptar qatań saqtalady. Saılaý komıssııasynyń barlyq músheleri aldyn ala PTR testileýden ótti. Daýys berýshiler mindetti túrde maska men qolǵap kıedi, daýys berýge arnalǵan oryn jıi-jıi dezınfektsııalanyp, áleýmettik ara qashyqtyq saqtalady», - deıdi SQO boıynsha QAJD bastyǵy Rýstan Ahmetjanov.