SQO ákiminiń orynbasary bolyp Qanat Dúzelbaev taǵaıyndaldy

Soltústik Qazaqstan oblysy ákiminiń orynbasary bolyp Qanat Dúzelbaev taǵaıyndaldy. Osy taǵaıyndaýǵa deıin ol Aqmola oblysynyń ekonomıka jáne bıýdjettik josparlaý basqarmasynyń basshysy qyzmetin atqarǵan, - dep habarlaıdy Kazinform.

SQO ákimi baspasóz qyzmetiniń málimetinshe, Qanat Malǵajdaruly 1974 jyly týǵan, burynǵy Torǵaı oblysynyń týmasy. Almatynyń ekonomıka jáne statıstıka akademııasyn bitirgen. Bank júıesinde, qazynashylyq, ekonomıka jáne bıýdjetti josparlaý salasynda tájirıbesi bar.

Eńbek jolyn 1991 jyly Torǵaı oblysy, Qıma aýdany, Qıma aýylyndaǵy "Qıma" astyq keńsharynda qurylys ýchaskesiniń jumysshysy bolyp bastady.

1995-1998 jyldary aralyǵynda birneshe bank fılıalynda ekonomıst, kassır-ınkasator qyzmetterin atqardy.

1998-2006 jyldary - Aqmola oblysy, Jaqsy aýdany Jaqsy aýdandyq qazynashylyq bóliminiń aǵa qazynashysy, tólemderdi esepke alý jáne esepterdi jasaý sektorynyń meńgerýshisi, bólimi bastyǵynyń orynbasary boldy.

2006-2013 jyldary Aqmola oblysy, Jaqsy aýdanynda "Jaqsy aýdanynyń ekonomıka jáne bıýdjettik josparlaý bólimi" MM jáne "Jaqsy aýdanynyń ekonomıka jáne qarjy bólimi" MM basqardy.

2013-2018 jyldary - Kókshetaý qalasy, "Aqmola oblysynyń ekonomıka jáne bıýdjettik josparlaý basqarmasy" MM basshysynyń orynbasary jáne 2018 jyldan bastap qazirgi ýaqytqa deıin "Aqmola oblysynyń ekonomıka jáne bıýdjettik josparlaý basqarmasy" MM basshysy laýazymynda boldy.

SQO ákiminiń jańa orynbasary strategııalyq jáne ekonomıkalyq josparlaý, bıýdjetti damytý jáne bıýdjetaralyq qatynastar;
- salyq saıasaty;
- kommýnaldyq menshik jáne jekeshelendirý;
- Memlekettik satyp alý;
- kóshi-qon, jumyspen qamtý jáne halyqty áleýmettik qorǵaý, eńbek qatynastary boıynsha jetekshilik etetin bolady.