SQO ákimdiginiń ekonomıka basqarmasyn endi Natalıa Dyshkant basqarady
PETROPAVL. KAZINFORM — Soltústik Qazaqstan oblysy ákiminiń ókimimen Natalıa Dyshkant ekonomıka basqarmasynyń basshysy bolyp taǵaıyndaldy.
Natalıa Dyshkant 1970 jyly burynǵy Kókshetaý oblysy Kýıbyshev aýdany Chervonnoe eldi mekeninde dúnıege kelgen.
1989 jyly Tselınograd qarjy-ekonomıkalyq tehnıkýmyn;
2004 jyly qarjy jáne nesıe mamandyǵy boıynsha Kókshetaý ekonomıka jáne menedjment ınstıtýtyn bitirdi.
Tehnıkýmdy aıaqtaǵannan keıin 1989 jyldan 2014 jylǵa deıin Ǵabıt Músirepov atyndaǵy aýdannyń qarjy bóliminde shtattyq ınspektor, bas býhgalterdiń orynbasary, jetekshi maman, bas maman, basshynyń orynbasary, bólim basshysy bolyp eńbek etti.
2015-2019 jyldary SQO qarjy basqarmasy basshysynyń orynbasary boldy.
2019 jyldan bastap osy kúnge deıin qarjy basqarmasyn basqardy.
Buǵan deıin Qyzylorda oblysynyń sot ákimshiligi departamentine jańa basshy kelgenin jazǵan edik.