SQO ákimi bolyp Ǵaýez Nurmuhambetov taǵaıyndaldy
Úsh aptaǵa jýyq ákimsiz qalǵan Soltústik Qazaqstan oblysyna jańa basshy bekitildi. Prezıdent Jarlyǵymen Ǵaýez Torsanuly Nurmuhambetov óńir ákimi laýazymyna taǵaıyndaldy. Oblystyq máslıhat depýtattary Ǵaýez Nurmuhambetovtyń kandıdatýrasyn qoldady, dep habarlaıdy QazAqparat tilshisi.
"Memleket basshysynyń Jarlyǵymen Ǵaýez Torsanuly Nurmuhambetov Soltústik Qazaqstan oblysynyń ákimi laýazymyna taǵaıyndaldy", - dep jazylǵan Aqorda jarııalaǵan qujat mátininde.
Ǵaýez Nurmuhambetov 1968 jyly Qostanaı oblysy Qarasý aýdanynyń Maıskıı aýylynda dúnıege kelgen.
1992 jyly Tselınograd aýyl sharýashylyǵy ınstıtýtyn «ǵalym agronom» mamandyǵy boıynsha, 2002 jyly Chelıabi memlekettik ýnıversıtetin «zańger», 2008 jyly Qostanaı ınjenerlik-ekonomıkalyq ýnıversıtetin «ekonomıka bakalavry» mamandyǵy boıynsha támamdaǵan. Ekonomıka ǵylymdarynyń kandıdaty.
Ǵaýez Torsanuly óziniń eńbek jolyn 1985 jyly Qostanaı oblysy Komsomol aýdany «Magnaıskıı» sovhozynyń № 1 brıgadasynyń mehanızatory bolyp bastady.
1992-1994 jyldary Torǵaı oblysy Oktıabrsıı aýdany Vılıams atyndaǵy sovhozdyń bas agronomy boldy.
1994-1996 jyldary Qostanaı oblysy Qostanaı aýdany "Moskovskıı" sovhozynyń bas agronomy.
1996-1997 jyldary Qostanaı oblysy Komsomolskıı aýdany «Boskolskoe» KK dırektory bolyp eńbek etti.
1997-2008 jyldary Qostanaı oblysy Taran jáne Qarabalyq aýdandarynyń ákimi boldy.
2008-2009 jyldary Qostanaı qalasynyń ákimi.
2009 jyldan 2011 jylǵa deıin Qostanaı qalasy "Sodrýjestvo" JShS bas dırektorynyń orynbasary laýazymynda boldy.
2011-2012 jyldary Qostanaı oblysy Áýlıekól aýdanynyń ákimi.
2012 jyldan 2014 jylǵa deıin Qostanaı qalasynyń ákimi.
2014 jyldan 2015 jylǵa deıin QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory.
2015 jyldan 2023 jylǵa deıin Qostanaı oblysy ákiminiń birinshi orynbasary boldy.
2023 jyldyń 25 qantarynan bastap QR Parlamenti Senatynyń Depýtaty bolyp saılandy. Ekonomıkalyq saıasat, ınnovatsııalyq damý jáne kásipkerlik komıtetiniń múshesi.
Eske salaıyq, buǵan deıin óńirdi basqarǵan Aıdarbek Saparov QR Aýyl sharýashylyǵy mınıstri laýazymyna taǵaıyndaldy. Aıdarbek Seıpiluly SQO-da 2022 jyldyń 1 jeltoqsanynan bastap, osy jyldyń 4 qyrkúıegine deıin ákim boldy.
