Sırııadan oralǵan balalarmen qandaı jumys júrgizilip jatyr
«Sırııadan 506 bala keldi. Qazirgi tańda elimizde jasóspirimderdi qoldaýǵa arnalǵan 15 áleýmettik-psıhologııalyq, quqyqtyq ortalyq jumys istep tur. Ortalyqtyń táýlik boıǵy statsıonarynda 14 balaly 4 ana bar. Qalǵandary kúndizgi statsıonarda. 254 bala mektepke deıingi tárbıemen qamtylǵan. ıAǵnı, ol balalar mektepke deıingi uıymdarǵa baryp júr. Mektepterde 153 bala oqyp jatyr. Sondaı-aq jetim qalǵan 33 bala bar. Olar jetimderge arnalǵan uıymdarǵa taratyldy», - dedi Bıbigúl Asylova OKQ-da ótken baspasóz máslıhatynda.
Vıtse-mınıstrdiń aıtýyna qaraǵanda, Bilim jáne ǵylym mınıstligi Sırııadan oralǵan balalardy jetildirýge, oqytýǵa arnalǵan jospar ázirleýde.
«Biz olardy nazardan tys qaldyrmaımyz. Bárine kómektesemiz. Ol keshendi sharalar ǵylymı zertteýlerden bastalady. Bul salaǵa ǵylymı turǵyda jaqyndap, psıhologtar jiti jumys júrgizýi tıis. Ǵylymı qyzmetkerler birlestigin jıyp, olar atalmysh sanattaǵy balalarmen jumys júrgizýdiń amal-ádisterin bizge usynýy tıis. Sebebi, bizde buǵan deıin ondaı tájirıbe bolǵan joq. Mundaı balalarmen jumys júrgizetin qyzmetkerlerdiń biliktiligin arttyrý kerek. Olardy ońaltýǵa arnalǵan baǵdarlama bolýy tıis. Jalpy, joba daıyn. Tek tıisti organdarmen maquldap alýdy kózdep otyrmyz», - dedi Bıbigúl Asylova.
