Sımona Galperın: Gazada beıbit turǵyndardyń qurban bolmaýyna tyrysamyz, biraq bul – soǵys

Izraıl Syrtqy ister mınıstrligi Eýrazııa jáne Balqan máseleleri jónindegi bas dırektorynyń orynbasary Sımona Galperın Astanadaǵy bırıfıngide Gazadaǵy beıbit turǵyndardyń qyrylý derekteri týraly pikir bildirdi, dep habarlaıdy Kazinform. 

«Árıne, beıbit azamattardyń operatsııa kezinde qaza tabýy múmkin ekenin túsinip otyrmyz. Biz olaı bolmaýyna barynsha tyrysyp jatyrmyz. Sol úshin de 1,5 mıllıonnan astam únparaq taratyp, «shyǵyp ketińizder» dep aıttyq. Biz sol úshin de 1 aptadan astam kúttik. ıAǵnı, 24 saǵat ýaqyt berip, bir táýlik ishinde Gazany tastap shyǵý týraly habarlama bererdiń aldynda bir apta kúttik. Biraq biz HAMAS-tyń olardyń shyǵýyna ruqsat bermeı jatqanyn kórdik», - dedi Sımona Galperın.

Sondaı-aq ol Izraıl armııasy áskerı qımyldyń aldynda tyńǵylyqty barlaý júrgizetinin atap ótti.

«Biz operatsııa júrgizgen kezde sondaǵy ahýaldy qaraımyz. Ondaǵan jaǵdaı boldy, eger áskerıler ol jerde balalar bar ekenin, beıbit azamattar bar ekenin kórse, operatsııany qaıta josparlaıdy. Beıbit halyq arasynan qurbandar bolmaýyna barynsha tyrysyp jatyrmyz. Biraq bul – soǵys», - dedi Izraıl SІM ókili.

Eske salsaq, Gaza sektoryndaǵy palestınalyq radıkaldar Izraıl aýmaǵyna zymyran atqylap, Izraıldiń ortalyǵy men ońtústiginde erekshe jaǵdaı engizilgen edi. 

Sońǵy málimetter boıynsha, Izraıl áskeri Gazany tolyǵymen qorshap, ekige bólip tastaǵan. 

Syrtqy ister mınıstrliginiń málimeti boıynsha, Gaza sektorynda qazir Qazaqstannyń 76 azamaty bar.