Sıtsılııada aptap ystyq jáne jaryq pen sý joq

Jergilikti azamattyq qorǵanys qyzmetiniń málimetinshe, dúısenbi kúni Katanııada 47,6°C tirkelgen. Aptap ystyqtan júz myńdaǵan sıtsılııalyq jaryq pen sýsyz otyr.
«Bir jaǵynan, klımattyń ózgergeni úshin zardabyn tartyp jatyrmyz. Buǵan birneshe jyl buryn nazar aýdarýymyz kerek edi. Ekinshi jaǵynan – jańa jaǵdaıǵa sáıkes kelmeıtin ınfrastrýktýra úshin», - dedi Italııa azamattyq qorǵanys mınıstri Nello Mýsýmechı.
Beısenbiden bastap Katanııada 500 myń adam kezekpen jaryqsyz otyrady, dedi mýnıtsıpalıtet ókili.
E-distribuzione – Enel alyp ıtalııalyq kompanııanyń enshiles fırmasy mundaǵy elektr energııasyn taratýmen aınalysady. Onyń málimetinshe, «birneshe apta boıy asfalt temperatýrasy 50°C-qa jýyqtaǵan». Oǵan ylǵal aýa qosylǵanda, «jylý durys taramaı, kabelderdi zaqymdap jatyr».
Elektr energııasynyń óshýi saldarynan birneshe úıde sý toqtaǵan. Jalpy, 200-300 myń adam sýsyz qalǵan, dedi Sıdra sý berý jelisi.
E-distribuzione kompanııasy júzdegen tehnıkalyq maman men ondaǵan generatordy tartqanyn málimdedi. Jergilikti bılik qart adamdarǵa jáne basqa da osal toptaǵy adamdarǵa, sondaı-aq úısizderge kondıtsıonerler berip, turǵyndardan kondıtsıonerlerdi qalypty paıdalanýdy surady.
Keshe sıtsılııalyq órt sóndirýshiler birneshe órt oshaǵymen kúresti. Palermo áýejaıynyń janynda órt shyǵyp, seısenbi kúni tańerteń áýe aılaǵy birneshe saǵatqa jabyldy. Órtten temirjol kóligi zardap shekti.
Foto: glasnews.bg