Sybaılas jemqorlyq boıynsha aıyptalǵan Ystambul meri qamaýǵa alyndy

ASTANA. KAZINFORM – Ystambul soty qalanyń meri Ekrem Imamoǵlýdy qamaýǵa aldy, dep habarlaıdy VVS.

Ystambul prokýratýrasy oǵan birneshe bap boıynsha aıyp taqty, sonyń ishinde qylmystyq uıymdy basqarý, oǵan qatysý, paraqorlyq jáne alaıaqtyq aıyptary bar. Mer bul aıyptardy joqqa shyǵarady.

Imamoglýdyń ustalýy oppozıtsııa ony 2028 jylǵa josparlanǵan prezıdent saılaýyna kandıdat retinde usynýdan birneshe kún buryn bolǵan.

Aıta keteıik, 19 naýryzda oppozıtsııalyq merdiń qamaýǵa alynýy narazylyqtar men lıranyń qunsyzdanýyna ákeldi. Tyıymdarǵa qaramastan, juma keshinde iri qalalarda demonstratsııalar ótti. El boıynsha 300-den astam narazylyq bildirýshi ustalǵany habarlandy.

Aıta ketelik Qazaqstannyń Túrkııadaǵy elshiligi Túrkııadaǵy narazylyqqa qatysty málimdeme jasaǵan edi.