ShYU-nyń marafony qashan ótetini belgili boldy

ASTANA. QazAqparat - Bıylǵy Shanhaı yntymaqtastyq uıymynyń marafony qaı kúni ótetini belgili boldy, dep habarlaıdy QazAqparat.

Qytaı jeńil atletıka qaýymdastyǵy taratqan málimetterge súıensek, bıylǵy marafon jeltoqsannyń 31-i kúni Qytaıdyń oństústigindegi ıÝnnan provıntsııasynyń Kýnmın qalasynda ótpek. Bul aıtýly doda ıÝnnan provıntsııasynda osymen ekinshi márte uıymdastyrylmaqshy.

Shanhaı yntymaqtastyq uıymynyń marafonyna ótken jyly álemniń 23 elinen 16 myń sportshy qatysty. Sonyń ishinde áıelder arasynda 21 shaqyrymdyq qashyqtyqqa júgirýden otandasymyz Gúljanat Janatbek birinshi oryndy jeńip aldy.

Esterińizge sala keteıik, osy jazda «EKSPO-2017» halyqaralyq kórmesindegi ShYU kúnderiniń aıasynda bul marafondy Astana qalasy qabyldap alǵan bolatyn. Buqaralyq sıpattaǵy sharada 32 eldiń 6 myń sportshysy men áýesqoılary synǵa túsken edi.