ShYU ekonomıkalyq forýmy 20 qazanda Beıjińde ótedi

BEIJІŃ. QazAqparat - Qytaıdaǵy Qazaqstan Elshisi Shahrat Nuryshev QHR Kommertsııalyq mınıstrligi janyndaǵy Qytaı halyqaralyq saýda jáne ekonomıkalyq yntymaqtastyq akademııasynyń dırektory Gý Sıýemınmen aǵymdaǵy jyly 20 qazanda ShYU ekonomıkalyq forýmyn ótkizýge daıyndyq máselelerin talqylady.

Shara QHR Kommertsııalyq mınıstrligi janyndaǵy Qytaı halyqaralyq saýda jáne ekonomıkalyq yntymaqtastyq akademııasy bazasynda ótedi. Oǵan qytaılyq bıznes ókilderi, sonymen qatar ekonomıka salasyna mamandanǵan ShYU múshe-elderdiń ǵylymı-zertteý ortalyqtarynyń ókilderi qatysady.  

ShYU ekonomıkalyq forýmy uıymǵa Qazaqstannyń tóraǵalyq etýi merziminde QHR-daǵy QR Elshiligi men ShYU Hatshylyǵy 2016 jyly 4 tamyzda qol qoıǵan birlesken sharalar jobasynda qarastyrylǵan.

Eske sala keteıik, 24 maýsymnan bastap Shanhaı yntymaqtastyq uıymynyń 2017 jyly 8-9 maýsymda Astanada ótkizilýi josparlanǵan kelesi sammıtine deıin Qazaqstan Respýblıkasy ShYU-na tóraǵalyq etedi.