ShYU Bas hatshysy Qazaqstanǵa keledi

BEIJІŃ. QazAqparat - Qazaqstandyq taraptyń shaqyrtýymen 2017 jylǵy 4-6 sáýir aralyǵynda ShYU Bas hatshysy Rashıd Alımov Qazaqstanǵa kelip, ShYU-ǵa múshe memleketterdiń qaýipsizdik keńesteri hatshylarynyń 12-shi kezdesýine qatysady, dep habarlady Qytaıdaǵy «QazAqparat» HAA menshikti tilshisi.

Qaýipsizdik keńesteri hatshylarynyń kezdesýi Astanada osy jyly 8-9 maýsymda ótetin ShYU Sammıti qarsańyndaǵy alǵashqy mańyzdy kezeńdi shara bolyp tabylady.

Kezdesý barysynda ShYU-ǵa múshe memleketter  ókilderi ShYU keńistiginde, tutastaı álemde  qaýipsizdik pen turaqtylyqty qamtamasyz etýdiń ózekti máseleleri boıynsha pikir almasady.

Kezdesý qorytyndysy boıynsha Prezıdenttiń kómekshisi - QR Qaýipsizdik Keńesiniń hatshysy Vladımır Jumaqanov pen ShYU Bas hatshysy Rashıd Alımovtyń birlesken baspasóz máslıhaty ótedi.

Sapar aıasynda birqatar ekijaqty kezdesýler josparlanǵan.

ShYU bas hatshysy «EKSPO - 2017» kórmesine ShYU pavılonyn salý jumystarynyń barysymen tanysady. QR Prezıdenti janyndaǵy Memlekettik basqarý akademııasy dıplomatııa ınstıtýtynyń tyńdaýshylarymen kezdesip, Nazarbaev Ýnıversıteti professorlyq-oqytýshylyq quramymen, stýdentterimen kezdesedi.