Shymkenttiń shalǵaı aımaqtarynda ınternet sapasy jaqsarady

ShYMKENT. QazAqparat – Shymkenttegi shalǵaı aımaqtarda ınternet sapasyn jaqsartý isi qolǵa alyndy, dep habarlaıdy QazAqparat tilshisi.

Shymkent qalasy ákiminiń orynbasary M.Isahovtyń tóraǵalyǵymen qala aýmaǵyn jáne qaladan shalǵaı ornalasqan eldi mekenderdegi ınternet sapasyn jaqsartý máselesi boıynsha májilis ótti.

Májiliske sáýlet, qala qurylysy jáne jer qatynastary basqarmasy men energetıka jáne ınfraqurylymdy damytý basqarmasy jáne «Qazaqtelekom» AQ, «Kar-Tel» JShS, «Ksell» AQ, «I-LinkNet.net, «SpetsavtomatıkaServıs» JShS, «Mobaıl Telekom-Servıs» JShS, «Shymkent qalasy boıynsha óńiraralyq baılanys ınspektsııasy» men «Nur-Astana Stroı» JShS ókilderi qatysty.

Májilis barysynda tsıfrlandyrý basqarmasy óńirdi ınternetpen qamtý maqsatynda ótken jyly 4 ınvestor tartyp, 11 eldi mekenge ınternet jelilerin tartqan bolsa, bıyl jeke ınvestorlar qarajaty esebinen 15 eldi mekenge talshyqty optıka jelisin júrgizý jáne ınternet sapasy tómen 11 eldi-mekenge bazalyq stantsııa ornatýdy kózdep otyr.