Shymkenttiń Qarataý aýdanyna jańa ákim taǵaıyndaldy

ShYMKENT. QazAqparat - Qarataý aýdanynyń ákimi bolyp Raqymberdi Múlkemanov taǵaıyndaldy, dep habarlaıdy QazAqparat tilshisi.

Shymkent qalasy máslıhatynyń kezekten tys XV sessııasynda Qarataý aýdanynyń ákimi laýazymyna Raqymberdi Janysbekuly Múlkemanovtyń kandıdatýrasy usynylyp, depýtattar biraýyzdan qoldady.

Raqymberdi Múlkemanov 1975 jyly 17 sáýirde Almaty qalasynda týǵan.
Bilimi joǵary. 1997-2009 jyldar aralyǵynda jeke sektorda jetekshilik qyzmetterde bolǵan. 2009 jyldan bastap memlekettik qyzmette. Kásipkerlik, qarjy jáne ekonomıka salalarynda basshylyq laýazymdardy atqardy. 2018 jyldan beri Shymkent qalalyq Ekonomıka jáne bıýdjettik josparlaý basqarmasynyń basshysy.

Densaýlyǵyna baılanysty óz ótinishimen qyzmetten ketken Abzal Áliqulovqa alǵysyn aıtqan qala ákimi, Raqymberdi Múlkemanovqa bilikti maman retinde ózine júktelgen mindetti abyroımen atqaratynyna senim bildirip, sáttilik tiledi.

Buǵan deıin Túrkistan oblysynyń Otyrar aýdanyna jańa ákim taǵaıyndalǵan edi.