Shymkentte jyl basynan beri jalǵan nómir taqqan 103 júrgizýshi anyqtaldy

ShYMKENT. QazAqparat - Shymkentte jalǵan memlekettik nómir taǵyp júrgen júrgizýshiler jaýapkershilikke tartyldy, dep habarlaıdy QazAqparat.

Qalalyq Polıtsııa departamentiniń qyzmetkerleri jyl basynan beri jalǵan memlekettik nómirli kólik quraldaryn basqarǵan 103 júrgizýshini anyqtaǵan.

«Barlyq jaıt boıynsha quqyqbuzýshylarǵa qatysty QR ÁQBtK-niń 590-babynyń 4-tarmaǵy boıynsha ákimshilik hattama toltyrylyp, júrgizýshiler jaýapkershilikke tartyldy. Aıta keteıik, zańnamaǵa sáıkes bul quqyqbuzýshylyq 20 AEK mólsherinde aıyppul salýǵa ákep soǵady», - dep jazdy vedomstvodan.

Budan buryn Shymqalada kólik bagajy ústine otyryp, kóshe aralaǵan jastarǵa aıyppul salynǵanyn jazǵan bolatynbyz.