Shymkentte Táýelsizdik kúni 49 sábı dúnıege keldi

ShYMKENT. QazAqparat – Shymkentte Táýelsizdik kúni 49 sábı dúnıege keldi. Mereke kúni dúnıege kelgenderdiń basym bóligi qyz balalar, dep habarlaıdy QazAqparat tilshisi.

16 jeltoqsan kúni qalada 26 qyz bala, 23 ul bala dúnıe esigin ashqan. Dárigerlerdiń aıtýynsha, mereke kúni týǵan náresteler men analardyń qazirgi jaǵdaıy jaqsy. Jalpy, QR Prezıdenti Qasym-Jomart Toqaevtyń Joldaýynda kórsetilgen tapsyrmalarǵa sáıkes úshinshi megapolıste ana men balanyń densaýlyǵyn jaqsartý baǵytynda aýqymdy sharalar júzege asyrylýda. Ásirese, ana men sábı ólimine qatysty kórsetkishterdi tómendetý maqsatynda emdeý mekemelerinde júıeli jumystar qolǵa alynyp, bul baǵytta barlyq jaǵdaı jasalyp otyr. Sondyqtan qalada týý kórsetkishi artyp otyr. Máselen, bıylǵy jyldyń 11 aıynda 25 688 náreste dúnıege kelgen. Qalada ana men balalardyń densaýlyǵyn qorǵaý boıynsha, onyń ishinde halyqtyń reprodýktıvti densaýlyǵyn jaqsartý sharalary qolǵa alynǵan.