Shymkentte shet memleketterden jetkizilgen dári-dármekter úlestirilýde

ShYMKENT. QazAqparat – Shymkentte sońǵy bir aptada Úkimet tarapynan bólingen eki ushaqpen jáne bes júk kóligimen Úndistannan, Reseı men Ýkraına elinen qajetti dáriler jetkizildi. Preparattar eń aldymen qaladaǵy medıtsınalyq uıymdarǵa, sosyn dárihanalarǵa taratylatyn bolady, dep habarlaıdy QazAqparat tilshisi.

Qala ákimdiginiń málimetinshe, «Apteka №5» men «Mega Farm Plıýs» farm kompanııalarynyń qorynda 273 myń flakon levofloksatsın, 200 myń qorapqa jýyq askorbın qyshqylynyń ınektsııaǵa arnalǵan eritindileri men 130 myń qorap analgın men dımedrol, eýfıllın eritindisi syndy mańyzdy medıkamenttiń 8 túri kelgen. Sonymen qatar, qaladaǵy «Hımfarm» dári-dármek zaýytynda ınektsııalyq eritindiler men ınfýzııalar, qatty peroraldi dárilik zattar (tabletkalar, sashe, ampýlalar), antıbıotık untaqtary shyǵarylýda.