Shymkentte Ózbekstanmen birlesken toqyma ónimderiniń kórmesi ótýde
Onda toqyma, kıim jáne teriden jasalǵan ónimder, farmatsevtıka, jıhaz, sývenırler, sporttyq taýarlar men oıynshyqtar óndiretin ońtústikqazaqstandyq jáne ózbekstandyq 60-qa jýyq kásiporyndar qatysýda.
Baýyrlas halyqtar arasynda uıymdastyrylǵan kórme jumysymen oblys ákimi Janseıit Túımebaev tanysyp, eki eldiń ózara yntymaqtastyq qarym-qatynasynyń jáne saýda - ekonomıkalyq baılanysynyń budan ári damı túsetinine senim bildirdi.
Eki kúnge jalǵasatyn shara - Ońtústik Qazaqstan oblysy men Ózbekstan arasyndaǵy ózara yntymaqtastyq pen baýyrlastyq qatynastardy ornatýǵa baǵyttalǵan taǵy bir qadam bolyp sanalady. Qazirgi tańda eki el arasyndaǵy ekonomıkalyq qarym-qatynas jyldan-jylǵa artyp keledi. Máselen, ótken jyldyń qorytyndysy boıynsha Ózbekstanmen syrtqy saýda aınalymynyń kólemi 2 mlrd AQSh dollaryna jetse, onyń 30 paıyzy Ońtústik Qazaqstan oblysyna tıesili. ıAǵnı, 2017 jyldyń qorytyndysy boıynsha Ózbekstanmen syrtqy taýar aınalym 16,8 paıyzǵa artyp, 622,6 mln AQSh dollaryn qurady. Onyń ishinde sáıkesinshe eksport - 252,8 mln AQSh dollaryn , ımport - 369,8,8 mln AQSh dollaryna jetti.
Budan bólek, osy kúnder ishinde Ózbekstannyń Qazaqstandaǵy kúnderi aıasynda josparlanǵan is-sharalar aıasynda kásipkerler men ınvestorlardyń qatysýymen «Aımaqtyq yntymaqtastyq jáne ıntegratsııa: ótkizý naryǵyn keńeıtý arqyly eki eldiń kásipkerleriniń básekege qabilettiligin arttyrý» atty ǵylymı-tájirıbelik dóńgelek ústel uıymdastyrylady.
Búgingi tańda ońtústik óńirindegi myńnan astam kásiporyndar men mekemeler saýda, ónerkásip, aýyl sharýashylyǵy, qurylys jáne qurylys materıaldary, medıtsına jáne bilim salasynda Ózbekstan kásipkerlerimen tabysty yntymaqtastyq ortantqan.
Aıta keteıik, aımaqta 2 iri kilem fabrıkasy men daıyn ónim shyǵarýdan shıki maqta ósirýden mataǵa deıingi jabyq tsıklin júzege asyratyn «Azala tekstıl» fabrıkasy jumys isteıdi. Sonymen qatar, oblysta shulyq shyǵaratyn jáne daıyn toqyma buıymdary men arnaıy kıim tigetin fabrıkalary iske qosylǵan.
