Shymkentte mektepke bomba qoıyldy

ShYMKENT. QazAqparat - Shymkenttegi D.Mendeleev atyndaǵy №15 mektep-lıtseıine bomba qoıyldy. Mektepti dúr silkindirgen aqparat jalǵan bolyp shyqty, dep habarlaıdy QazAqparat tilshisi.

Tártip saqshylary aqparatty alǵan boıda ǵımaratty qorshap, kósheniń bir bóligin jaýyp tastady. Oqýshylar, oqytýshylar jáne mekteptegi ózge de qyzmetkerler túgel evakýatsııalandy.

«Búgin saǵat 12:23-te 102 arnasyna belgisiz er adam qońyraý shalyp, D.Mendeleev atyndaǵy №15 mektep-lıtseıine jarylǵysh qoıylǵany týraly habarlaǵan. Oqıǵa ornyn tekserý kezinde jarylǵysh týraly jaıt rastalmady. Oryn alǵan jaǵdaı QR QK 273-baby «Terrorızm aktisi týraly kórineý jalǵan habarlaý» boıynsha tirkeldi.

Sotqa deıingi tergep-tekserý bastaldy, oqıǵanyń mán-jaıy anyqtalýda. Barlyq qajetti tergeý is-áreketteri men qońyraý shalǵan adamdy anyqtaý boıynsha jedel-izdestirý is-sharalary júrgizilýde», - delingen Shymkent qalasy polıtsııa departamentiniń baspasóz qyzmeti taratqan habarlamada.