Shymkentte karantındik sharalar 3 tamyzǵa deıin kúsheıtilmek

ShYMKENT. QazAqparat – Shymkentte qatań karantındik shekteý sharalarynyń merzimi 3 tamyzǵa deıin uzartyldy. Bul týraly qalanyń bas memlekettik sanıtarlyq dárigeri Ábdimanap Tólebaev arnaıy qaýly shyǵardy, dep habarlaıdy QazAqparat tilshisi.

Qalanyń bas sanıtarlyq dárigeriniń qaýlysynda, 20 shildeden bastap 3 tamyzǵa deıin uzartylatyny habarlanǵan.

«Shymkent qalasynyń aýmaǵynda 2020 jylǵy 20 shilde saǵat 00:00-den bastap 2020 jylǵy 3 tamyz saǵat 00:00-ge deıin qatań shekteý sharalary jáne karantın uzartylsyn.

Sondaı-aq, Shymkent qalasynyń ákimdigine, Shymkent qalasynyń aýdandyq ákimdikterine, Shymkent qalasynyń energetıka jáne kommýnaldyq sharýashylyq basqarmasyna, Shymkent qalasynyń densaýlyq saqtaý basqarmasyna, densaýlyq saqtaý sýbektilerine:

Shymkent qalasynyń aýmaǵynda, móltek aýdandardyń, turǵyn úı alabynyń, kóp qabatty turǵyn úılerdiń jáne uıymdardyń qoqysqa arnalǵan alańshalaryn josparly únemi tazalaýdy, kúndelikti turmystyq qaldyqtardy, qoqystardy shyǵarý jáne qoqysqa arnalǵan konteınerlerdi tazalaýdy, dezınfektsııalaýdy, jýýdy qamtamasyz etý.

Sondaı-aq, provızorlyq statsıonarlardyń aýmaǵyn kúndelikti dezınfektsııalaý quraldaryn qoldana otyryp zalalsyzdandyrý is-sharalarymen qamtamasyz etýdi» delingen qujat mátininde.