Shymkentte ınnovatsııalyq medıtsınalyq-farmatsevtıkalyq klasterdi qurý bastaldy
Esterińizge sala keteıik, memleket basshysy 2025 jylǵa qaraı farmatsevtıka ónerkásibindegi otandyq óndiristiń úlesin 50% - ǵa deıin ulǵaıtý týraly tapsyrma bergen bolatyn. Osyǵan baılanysty elimizde Astana, Shymkent jáne Aqtóbe qalalarynda úsh medıtsınalyq-farmatsevtıkalyq klaster qurý josparlanýda, bul ımportqa táýeldilikti edáýir qysqartady jáne QR Ulttyq dárilik qaýipsizdigin qamtamasyz etedi.
Óńir aýmaǵynda óndiristik alańdar men jetekshi medıtsınalyq joǵary oqý oryndarynyń biri – OQMA-da shoǵyrlanýyna baılanysty Shymkent qalasy medıtsınalyq-farmatsevtıkalyq klaster qurý úshin eń utymdy oryn bolyp tabyldy.
«Óńirde Ońtústik Qazaqstannyń tolyq tsıkldi farmatsevtıkalyq klasteri tabysty jumys istep jatqany belgili, bul klaster 2024 jyldan bastap qosa qarjylandyrý túrinde memlekettik qoldaýǵa ıe bolady, ony professor Bekaıdar Nurmashev basqarady, sondyqtan Shymkentte medıtsınalyq-farmatsevtıkalyq klasterdi damytý úshin mańyzdy artyqshylyqtar bar: bilikti kadrlardy daıarlaý júıesi, ótkizý boıynsha seriktester, servıstik jáne ınfraqurylymdyq qoldaý. Koronavırýstyq ınfektsııanyń pandemııasy qıyn jaǵdaıda ár memleket ózi úshin jaýap beretinin kórsetti. Sondyqtan otandyq farmatsevtıkalyq ónerkásipti damytý máselesi eldiń ulttyq qaýipsizdigi máselesi bolyp tabylady», - dep atap ótti Qazaqstan Respýblıkasy Densaýlyq saqtaý mınıstrligi Medıtsınalyq jáne farmatsevtıkalyq baqylaý komıteti Tóraǵasynyń m.a. Laýra Ahmetnııaz Shymkenttegi «Hımfarm» AQ óndiristik kompanııasynyń bazasynda klaster qurý máseleleri jónindegi keńes barysynda.
B. Nurmashevtyń aıtýynsha, birlesken úılestirilgen is-qımyldardyń maqsaty dárilik zattar men medıtsınalyq buıymdardy ázirleý salasyndaǵy zertteýler, ımportty almastyrý saıasaty sheńberinde QR aýmaǵynda óndiristik massanyń shoǵyrlanýy bolyp tabylady. Klaster sheńberinde atalǵan eki klastermen yntymaqtastyq, sondaı-aq osy klasterlerdiń farmatsevtıkalyq óndirisiniń deńgeıin arttyrý úshin sheteldik kompanııalardy, onyń ishinde big farm tobynyń kompanııalaryn tartý josparlanýda.
Kezdesý barysynda «Atameken» UKP tóraǵasynyń orynbasary Tımýr Nahıpbekov atap ótkendeı, Ulttyq palata qaýymdastyqtarmen jáne bıznes-qoǵamdastyqpen birlesip, QR Densaýlyq saqtaý mınıstrligimen, básekelestikti qorǵaý jáne damytý agenttigimen artyq kedergilerdi azaıtý jáne farmatsevtıkalyq qoǵamdastyqtyń problemalyq máselelerin sheshý boıynsha turaqty negizde jumys júrgizýde. Bul dári-dármekter men medıtsınalyq maqsattaǵy buıymdarǵa baǵa belgileý máseleleri; dári-dármekterdiń naryqqa shyǵý protsesterin ońtaılandyrý; dári-dármekterdi tańbalaý jáne qadaǵalaý; kommertsııalyq segmenttegi dári-dármek baǵasyn retteý jáne basqa máseleler. Ol Shymkent qalasynda medıtsınalyq-farmatsevtıkalyq klaster qurý dárilik zattar men medıtsınalyq buıymdar óndirisin damytýdy jedeldetýge, sondaı-aq elimizdiń ımporttalatyn farmatsevtıkalyq ónimge táýeldiligin qysqartýǵa múmkindik beretinine senim bildirdi.
«Hımfarm» AQ-da men Ońtústik Qazaqstannyń farmatsevtıkalyq klasteri jáne Vonjý medıtsına ónerkásibi ((WMIT)– Ońtústik Koreıanyń medıtsına ónerkásibiniń klaster-qalasy arasynda yntymaqtastyq memorandýmdaryna qol qoıyldy.
Eki taraptyń pikirinshe, bul óńirdiń óndiristik jáne ǵylymı áleýetin damytý boıynsha jańa múmkindikterge bastama beredi, sondaı-aq óńirlik farmatsevtıka salasyna jáne otandyq ónim óndirisine ınvestıtsııalar tartý úshin farmındýstrııa kásiporyndarynyń barlyq qolda bar resýrstaryn jınaqtaıdy.
Medıtsınalyq-farmatsevtıkalyq klaster – bul bir-birin tolyqtyratyn jáne jekelegen kompanııalar men tutastaı klasterdiń básekelestik artyqshylyqtaryn kúsheıtetin ǵylymı-zertteý ınstıtýttary, joǵary oqý oryndary, tehnoparkter, bıznes-ınkýbatorlar jáne basqa da uıymdar sııaqty dárilik zattardy ázirleýshi, óndiristik kompanııalar, jabdyqtardy jetkizýshiler, jıyntyqtaýshylar, mamandandyrylǵan qyzmetter, ınfraqurylym obektileri geografııalyq turǵydan lokalızatsııalanǵan ózara baılanysty ınnovatsııalyq fırmalar toby.