Shymkentte er adam esirtkini poshta arqyly tasymaldamaq bolǵan
30 jastaǵy V. esimdi azamat jalpy salmaǵy 79,1 gramm keptirilgen «marıhýanany» eki plastmassa maıonez sheleginiń túbine saqtaǵan. Bar maqsaty - túzeý mekemesinde jazasyn ótep otyrǵan aǵasyna jetkizý bolypty.
Sodan Shymkent qalasyndaǵy «Qazposhta» AQ-nyń bólimsheleriniń birine kelip, hat-habar túrinde rásimdep, tapsyrysty eki ret poshta arqyly Taraz qalasyndaǵy túzeý mekemesine joldaǵan.
«Esirtki zaty der kezinde túzeý mekemesiniń qyzmetkerlerimen anyqtalyp, tárkilendi. Shymkent qalasy Abaı aýdandyq soty jergilikti turǵyndy QR QK-niń 297-babynyń 1-bóliginde (esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, olardy jóneltý ne ótkizý) kózdelgen qylmystyq quqyq buzýshylyqty jasaǵany úshin kináli dep tanyp, 5 (bes) jyl bas bostandyǵynan aıyrý túrinde jaza taǵaıyndady» - delingen Shymkent qalasy polıtsııa departamentiniń baspasóz qyzmeti taratqan habarlamada.
