Shymkentte bıyl 200-den astam adam alkogolden ulanyp, qaıtys bolǵan

ShYMKENT. QazAqparat - Shymkentte etıl spırti men alkogol ónimin zańsyz óndirip kelgen 12 jasyryn tseh anyqtaldy, dep habarlaıdy QazAqparat tilshisi.

Shymkent qalasy boıynsha Ekonomıkalyq tergep-tekserý departamentiniń qyzmetkerleri jyl basynan kóleńkeli bıznesten 20 myń bótelkeden astam daıyn sýrrogattyq alkogol ónimderin, 3 myńnan astam etıl spırtin, 20 myńnan astam jalǵan esepke alý-baqylaý markilerin tárkilegen.

Etıl spırti men alkogol óniminiń kóleńkeli aınalymy boıynsha memleketke jalpy 11 mln teńgeden astam zalal keltirilgen.

Mamandar sýrrogattyq alkogol ónimderiniń kóleńkeli aınalymynan memleketpen qatar, adamnyń densaýlyǵyna da úlken zııan keletinin aıtyp, dabyl qaǵýda.

Qalalyq Densaýlyq saqtaý basqarmasynyń aqparatyna sáıkes 2020 jyly – 200 adam, al 2021 jyly – 240 adam alkogolden ulanyp, qaıtys bolǵan.