Shymkentte alaıaqtarǵa aldanǵan qart páterin satyp jiberdi

ShYMKENT. QazAqparat - Shymkentte alaıaqtarǵa aldanǵan zeınetker páterin satyp, 37 mıllıon teńge qarajatyn alaıaqtar aıtqan qosymsha esepshottarǵa aýdaryp jibergen, dep habarlaıdy QazAqparat tilshisi.

Shymkent qalalyq polıtsııa departamentiniń tergeý basqarmasyna aryzdanǵan jergilikti turǵyn alaıaqtardyń qurbany bolǵandyǵyn jetkizgen. Ol óz shaǵymynda, beıtanys nómirmen qońyraý shalǵan adam ózin UQK-niń qyzmetkeri retinde tanystyryp, qarııanyń esepshotyna belgisiz adamdar kıber shabýyl jasap jatqandyǵyn aıtqan.

Tipti, páterin satyp jiberýi múmkin ekendigin sendirgen. Sondaı-aq, ekinshi deńgeıli bankterdiń birinen qosymsha shot ashyp, sol shotqa barlyq aqshany aýdarýyn surap, alaıaqty quryqtaýǵa ýáde etken. Kúdiktiniń sózine sengen zeınetker, tez arada páterin satyp, jalpy somasy 37 mıllıon teńge qarajatyn alaıaqtar aıtqan qosymsha esepshottarǵa aýdarǵan.

«Atalǵan jaıtty polıtsııa qyzmetkerleri QK-niń 190-baby 4-bóligi 2-tarmaǵy «Asa iri mólsherde jasalǵan alaıaqtyq» boıynsha tirkedi. Qazirgi tańda, atalǵan qylmystyq is boıynsha Ál-Farabı APB Krımınaldyq polıtsııa bóliminiń qyzmetkerlerinen jedel top qurylyp, kúdiktini izdestirý sharalary júrgizilýde. Sondaı-aq, qylmyskerdi quryqtaý maqsatynda Aqtóbe jáne Almaty qalasynyń polıtseılerine jeke tapsyrma berildi», - delingen Shymkent qalasy polıtsııa departamentiniń baspasóz qyzmeti taratqan habarlamada.