Shymkentte alaıaq eldiń jeke kýáliginiń sýretin jınap alyp, olardyń atynan nesıe alǵan

ASTANA. QazAqparat – Almaty qalasynyń polıtsııa qyzmetkerleri páterinde asylyp turǵan 65 jastaǵy er adamdy qutqaryp qaldy. Bul týraly Іshki ister mınıstrliginiń onlaın-brıfınginde vedomstvo ókili Shuǵyla Turlybek aıtty, dep habarlaıdy QazAqparat tilshisi.

«Shymkent turǵyny «InDriver» qosymshasy arqyly jolaýshylardy tasymaldaýǵa tapsyrys berý syltaýymen júrgizýshilerdiń jeke kýáligin, tekserý úshin fotosýretterin, sondaı-aq bank shotynyń derektemelerin aldap alǵan. Sodan keıin jábirlenýshilerdiń atynan mıkrokredıttik uıymda nesıe rásimdegen. Qazirgi ýaqytta onyń osyndaı 9 faktige qatysy bary dáleldendi. Oblys polıtseıleri taǵy bir alaıaqty ustady. Ol ózin spýtnıktik teledıdar habarlaryn taratý kompanııasynyń qyzmetkeri retinde tanystyryp, azamattardyń derbes derekterin alyp, mıkrokredıt uıymynda qaryz rásimdegen. Onyń osyndaı 30-dan astam faktige qatysy bar bolyp shyqty», - dep qylmystardyń mán-jaıyn baıandady Shuǵyla Turlybek.

Mınıstrlik dereginshe, mundaı baǵyttaǵy qylmystardyń aldyn alý úshin bıometrııa jáne elektrondyq tsıfrlyq qoltańba arqyly onlaın-kredıtterdi rásimdeý talaptary kúsheıtilgen.

Sondaı-aq, ınternet alaıaqtyq qońyraý shalatyn nómirlerdi anyqtaý jáne buǵattaý boıynsha jumys júrgizilip jatyr.