Shymkentte Afrıka elderiniń kórme-jármeńkesi ashyldy
Shymkent qalasynyń «Kórme» ortalyǵynda 10-shy qazanǵa deıin ótetin shara eki el arasyndaǵy týrızmdi damytý, ınvestıtsııalyq múmkindikterge jol ashý, iskerlik qatynastardy jaqsartý maqsatynda oblys ákimdiginiń qoldaýymen uıymdastyrylyp otyr.
Kórmeniń ashylý saltanatyna qatysqan Ońtústik Qazaqstan oblysynyń ákimi J.Túımebaev Afrıka eli qonaqtaryna qosh keldińizder deı otyryp, olardyń alyp kelgen ónimderin tamashalady.
«Halyqaralyq kórmede qanshama elder óz mádenıetterin, ulttyq ózindik erekshelikterin tanytyp ózderiniń ekonomıkalyq jáne tehnologııalyq damý deńgeıler men jetistikterin kórsetti. Búgingi kúni Ońtústik óńirine sol kórmeniń bir bóligin alyp kelip otyrǵan Afrıka eline úlken alǵysymdy bildiremin. Búgingi kórmeniń ótý maqsaty, týrızmdi damytý, múmkindikterge jol ashý, bıznestik baılanystardy jetildirý»,-dedi ákim.
Kórmede Afrıka qurlyǵynan kelgen birneshe respýblıka óz ónimderin kópshilik nazaryna usynyp otyr. Olar 20-dan astam kompanııa men Efıopııa, Kenııa, Tanzanııa, Gvıneıa, Gambııa, Sýdan jáne Iemen elderiniń qolóner sheberleri. Afrıkalyqtar jańa tehnologııalarmen qatar, kópshilikke kóterińki kóńil-kúı de syılaı bildi.
Kórmedegi Afrıka bazarynan qolóner buıymdaryn satyp alý múmkindikteri bar. Olardyń shaı, kofe jáne qoltyraýyn, pıton terisinen jasalǵan sómkeleri men kıim-keshekteri úlken suranysqa ıe.
