Shymkent zoobaǵyna avstralııalyq kengýrý jetkizildi

ShYMKENT. QazAqparat – Shymkent zoobaǵy avstralııalyq kengýrýmen tolyqty, dep habarlaıdy QazAqparat tilshisi.

Benneta esimdi kengýrý týraly qyzyqty málimetter óte kóp. Máselen, ol sýdy az ishedi, tipti birneshe aı sýsyz júre alady. Uıqysy sergek.

Eresek kengýrýlar 60 km/saǵ jyldamdyqpen júgirip, bıiktigi 3 metrge deıingi tosqaýyldan sekire alady.

Kengýrýdyń analyǵynda balasy ósip-jetilgenshe ornalasatyn qaltashasy bolady. Aǵzalary damyǵan embrıon anasynyń sómkesine enip, 6 aı boıy qapshyqta damıdy. Keıinnen jetilgen kengýrý tabıǵatta tirshiligin jalǵastyrady.

Aıta keteıik, budan buryn Shymkent zoobaǵyndaǵy Astana esimdi keriktiń 12 jasy atalyp ótken bolatyn.

Foto:.instagram.com/shymkentzoo