Shymkent turǵyny tergeý ızolıatorynyń qyzmetkerine para bermek boldy

NUR-SULTAN. QazAqparat – Shymkent turǵyny tergelip, qamaýda otyrǵan inisine artyqshylyq alý úshin ızolıator qyzmetkerine 1 mln teńge para bermek bolǵan. Oqıǵa Túrkistan oblysy jáne Shymkent qalasy boıynsha Qylmystyq atqarý júıesi departamentiniń qaýipsizdigi aralas mekemesinde boldy, dep habarlaıdy QazAqparat.

«Ózindik qaýipsizdik basqarmasyna júgingen tergeý ızolıatorynyń qyzmetkeri jeke tulǵanyń 1 mln teńge kóleminde para usynǵanyn aıtqan. Qyzmetshi bul týraly dereý basshylyqqa jáne ózindik qaýipsizdik basqarmasyna habar bergen. Shymkent qalasy polıtsııa departamentiniń qyzmetkerleri men aýmaqtyq QAJD jedel qyzmetkerleri birlese birqatar tıisti sharalar qabyldap, zańǵa qaıshy árekettiń jolyn kesti», – dep málimdedi óńirlik QAJ departamenttiń bastyǵy, ádilet polkovnıgi Teńizjan Jánibekov.

Eske salsaq, buǵan deıin túrmege jasyryn kamerasy bar kózildirik kirgizilmek bolǵan edi.