Shymkent bazarynda aıaq kıim korabynda saqtalǵan esirtki tárkilendi

NUR-SULTAN. QazAqparat – Shymkent polıtseıleri qala turǵynynan 22 kelige jýyq marıhýana tárkiledi, dep habarlaıdy QazAqparat tilshisi.

«Shymkenttiń «Alash» bazarynda polıtseıler esirtkini zańsyz saqtaý jáne ótkizý kúdigimen bir turǵyndy ustady. Jeke tintý kezinde kúdiktiden bir keli marıhýana salynǵan aıaq kıim qoraby tárkilendi. Onyń páterin tintý kezinde balkonnan dozalary boıynsha marıhýana salynǵan 2 polıetılen paket tabyldy. Jatyn bólmesinen de esirtkisi bar eki jol sómkesi alyndy», - dedi QR ІІM baspasóz qyzmetiniń ókili Shuǵyla Turlybek mınıstrlik uıymdastyrǵan brıfıngte.

Alynǵan marıhýananyń jalpy salmaǵy - shamamen 22 keli.

Kúdikti Shymkent qalasynyń ýaqytsha ustaý ızolıatoryna qamaldy. Onyń múlki tárkilenip, 15 jylǵa deıin bas bostandyǵynan aıyrylýy múmkin.

Eske sala ketsek, búgin Іshki ister mınıstrligi balalardyń jazǵy jumysy jóninde oqýshylar men ata-analarǵa úndeý jasady.

Vedomstvo balalardyń esirtkini taratýshylarǵa aldanyp qalmaýyn eskertti.