Shymkent ákimi tilge qatysty suraqqa óleńmen jaýap berdi

ShYMKENT. QazAqparat  -  Shymkent qalasy ákiminiń búgingi eseptik jıynynda turǵyndardyń biri oǵan memlekettik tilge qatysty suraq qoıdy. Syn aıtqan aqsaqalǵa qala basshysy óleńdetip jaýap berdi, dep habarlaıdy  QazAqparat tilshisi.

«Myrzahmetov degen aǵamyzdan suraq tústi. Ol kisige eki sózben jaýap aıtqym kelip tur. Birinshi sóz ol Qaırat Rysqulbekovtyki. «Qaırat degen atym bar, qazaq degen zatym bar, erkek toqty qurbandyq. Atam deseń atyńdar!». Ekinshi Rasýl Gamzatovtyń sózi bar «Eger meniń tilim erteń joıylatyn bolsa, men búgin ólýge daıarmyn» degen. Bul jerde men sizge kómekshi bolamyn aǵa. Birge jumys isteıik», - dedi Nurlan Saýranbaev.

Esterińizge sala keteıik, Nurlan Saýranbaev aýdan ákiminiń esep berý jıynynda memlekettik tilde baıandama jasaǵan ákimge baıandamany eki tilde ázirleý jóninde eskertý jasaǵan bolatyn. Shymkent ákimi bul oıyn qazaq jáne orys tilderinde aralastyryp jetkizgen edi. Sheneýniktiń bul sózi áleýmettik jelige tarap, kópshiliktiń synyna qalǵan bolatyn.