Shyǵysqazaqstandyqtar shyǵyny az úı turǵyza bastady
Syrtqy jabyndysy da sýyq ótkizbeıdi. Osylaısha úı ıeleri 30 paıyzǵa deıin jylý únemdeýge múmkindik alady. Ári qajetti materıaldyń barlyǵy óz elimizde jasalypty. Mundaı múmkindikti ázirge 59 otbasy paıdalana alady. Kisebaevtardyń otbasy kópbalaly. Rınat pen Gúlzat 6 jyldan beri turǵyn úı kezeginde turǵan. Memlekettik baǵdarlama boıynsha mundaı jaıly baspanaǵa tez qol jetkizemiz dep oılaǵan joqpyz, deıdi olar.
«Buryn ata-anamyzben birge jer úıde turǵan bolatynbyz. Qazir barlyǵy jaıly, 4 bólmeli úıge qol jetkizdik. Balalardyń óz bólmesi bar, qonaq bólmesi bólek. Ystyq sý, sýyq sý, barlyǵy yńǵaıly, bizge Altyn alqa, Kúmis alqanyń aýyly alys emes», - dedi muǵalim Gúlzat Aqanova.
«Qaladan aıyrmashylyǵy joq, birdeı. Úı jyly. Qazir dalada 30 gradýs sýyq, sonyń ózinde úı jyly», - deıdi otaǵasy Rınat Kisebaev.
Ádette birinshi qabattaǵy páterler salqyndaý bolatyny ras. Al bul páter saqyldaǵan sary aıazdyń ózinde jyp-jyly. Onyń ózindik qupııasy bar. Bul úıdi jylytatyn qazandyq jaqynda qaıta jańǵyrtyldy. Shýchınsk qalasynda shyǵarylǵan otandyq únemshil qondyrǵy qoıylypty.
«Munda kómir az jaǵylady. Ádettegi qazandyqtarǵa qaraǵanda, 20 paıyzǵa deıin únemdeledi. Jylý júıesi tiginen ornalasqandyqtan, az otynmen kóbirek jylý berýge bolady», - deıdi aýdandyq TKSh bóliminiń jetekshisi Rýslan Ábdirahmanov.
Aýdan ortalyǵyndaǵy munan basqa da barlyq 5 jylý qazandyǵy jańartylǵan. ıAǵnı kópqabatty 8 úı, mektep, aýrýhana sııaqty áleýmettik nysandar da únemshil júıemen jylytylady. Turǵyn úı qurylysyna oblystyq bıýdjetten 300 mıllıon teńge qarajat bólingen. Ázirge aýdan boıynsha áli de 200 otbasy baspanaǵa muqtaj. Olardyń da máselesi aldaǵy jyldary birtindep sheshiledi dep otyr jaýapty mamandar.
