Shyǵys Qazaqstannyń eki qalasynda «Sergek» kameralary ornatylady

ÓSKEMEN. QazAqparat – Shyǵys Qazaqstan oblysyndaǵy eki qalada «Sergek» kameralary paıda bolady, dep habarlaıdy QazAqparat tilshisi.

Búginde oblys boıynsha tek Óskemen qalasynda «Sergek» beınebaqylaý júıesi jumys istep tur.

Endi taǵy eki shaharda, atap aıtqanda Altaı men Rıdderde osy júıe iske qosylady.

Bul týraly oblys ákimdiginde ótken jınalys barysynda ShQO ákiminiń birinshi orynbasary Almashan Smatlaev málim etti.

«Sergek» beınebaqylaý júıesiniń arqasynda qylmystar men quqyq buzýshylyqtardyń sany aıtarlyqtaı azaıǵany baıqalyp otyr. Sondaı-aq jasalǵan qylmysty jedel ashý kórsetkishteri de jaqsarǵan. Endi Altaıda – 154, Rıdderde – 249 kamera ornatylady», - dedi ol.

Kameralar kóshe qıylystarynda, adam kóp júretin qoǵamdyq oryndarda ornatylady.

Eske salsaq, osyǵan deıin Óskemen júrgizýshilerine byltyr «Sergek» arqyly 130 mln teńge aıyppul salynǵanyn habarlaǵan edik.