Shyǵys Qazaqstanda medıtsına salasynyń IT mamandaryn daıyndamaq

ÓSKEMEN. QazAqparat - D. Serikbaev atyndaǵy Shyǵys Qazaqstan memlekettik tehnıkalyq ýnıversıtetinde otandyq tsıfrlyq medıtsınany damytyp jatyr, dep habarlaıdy «QazAqparat» HAA tilshisi oqý ornynyń baspasóz qyzmetine silteme jasap.

Kelesi jyldan bastap oqý ornynda baǵdarlamalyq jasaqtamaǵa, servıstik qyzmet kórsetýge, jóndeýge mamandandyrylǵan, sondaı-aq medıtsınalyq qurylǵy óndirýshilermen (rentgen, ÝDZ, tomograftar jáne t.b.) birge jumys istesetin ınjener-medtehnıkter daıyndalatyn bolady.

Búginde elimizdegi eshqandaı oqý ornynda mundaı mamandar daıyndalmaıtyny atalyp ótildi. ShQMTÝ prorektory shaqyrǵan Klaýstal tehnıkalyq ýnıversıtetiniń professory  (GFR) túsindirip ótkendeı, mundaı sheshim «Tsıfrlyq Qazaqstan» memlekettik baǵdarlamasyn júzege asyrý aıasynda qabyldanǵan.

IT-dárigerler 2 baǵyt boıynsha oqytylmaq: medtehnıka jáne telemedıtsına. Jańa mamandarǵa ShQMTÝ oqytýshylary, Belarýs Respýblıkasy men Aýstrııa elderinen shaqyrylǵan mamandar sabaq beretin bolady.

«Qazaqstanda ınjener-medtehnıkter óte tapshy. D. Serikbaev atyndaǵy ShQMTÝ-dyń IT mamandyqtaryn meńgerip shyqqan túlekterdiń osy salada jumys isteýi úshin shetelderde qaıta oqyp kelip jatqanyn bilemiz. Endi jastardyń Qazaqstanda osy sala boıynsha bilim alýyna múmkindik týdy», - dep atap ótti professor Talant Ryspaev.