Shyǵys Qazaqstanda koronavırýs juqtyrǵandar sany azaıyp keledi

ÓSKEMEN. QazAqparat – Shyǵys Qazaqstan oblysynda koronavırýs juqtyrǵandar sany azaıyp keledi, dep habarlaıdy QazAqparat tilshisi.

Osy aptada óńir boıynsha koronavırýs ınfektsııasyna shaldyǵý kórsetkishi tómendep kele jatyr. Sońǵy táýlikte 33 turǵyn qaýipti dertti juqtyrsa, onyń aldynda bir kúnde 36 adamnan vırýs anyqtalǵan.

«31 naýqasta sımptom bar bolsa, 2 adam syrqatty sımptomsyz ótkerýde. 78 patsıent koronavırýstan tolyqtaı saýyǵyp shyqty. Qazirgi ýaqytta oblys boıynsha statsıonar jaǵdaıynda 328 naýqas emdelýde. Jalpy Shyǵys Qazaqstandaǵy statsıonarlarda tósek-oryn júktemesi – 16,1 paıyzdy quraıdy», - dep habarlady ShQO Densaýlyq saqtaý basqarmasynyń baspasóz qyzmeti.

Esterińizge sala ketsek, osyǵan deıin Qazaqstanda ótken táýlikte 1173 adamnan koronavırýs anyqtalǵany habarlanǵan.