Shyǵys Qazaqstanda IQanat olımpıadasynyń irikteý kezeńi ótip jatyr
Qordyń barlyq jobalary qamqorshylardyń qoldaýy arqasynda júzege asýda.
IQanat olımpıadasyndada utylǵandar bolmaıdy, qatysýshy jarystan shyqqanyna qaramastan joǵary oqý oryndaryna túsýge tegin daıyndyq baǵdarlamalaryna qatysa alady. Mysaly, respýblıkalyq deńgeıge ótpegen oblystyq týrdyń qatysýshylary daıyndyqtaryn IQ O baǵdarlamasy boıynsha jalǵastyra alady. Búgingi tańda aımaqtyq irikteý olımpıadalary Qazaqstan Respýblıkasynyń barlyq oblystarynda jalǵasyn tabýda.
IQanat 2017 jyly qyrkúıek aıynda pılottyq joba retinde Shyǵys Qazaqstan oblysynyń 6 aýdanynda (Tarbaǵataı, Zaısan, Kúrshim, Qaton-Qaraǵaı, Kókpekti, Úrjar) bastalǵan. Biregeı bilim berý jobasy aýyl mektepterine ǵana arnalǵan. Negizgi maqsat – eldi mekenderdegi zerek balalardy qoldaý, olardyń otandyq jáne shetel ýnıversıtetterinde bilim alýyna múmkindik berý.
Olımpıadaǵa kez kelgen 8-synyp oqýshysy qatysa alady. Olımpıadada eshqandaı kúrdeli deńgeıdegi tapsyrmalar joq. Oqý baǵdarlamasyn meńgergen kez kelgen bala qatysa alady, onyń qandaı baǵa alyp júrgeni mańyzdy emes. Ol úshin Iqanat. kz saıtyna kirip, tirkelý jetkilikti. Mobıldi qosymshasy da bar. Onda daıyndyq materıaldary (vıdeosabaqtar, tapsyrmalar) bar. Olımpıadaǵa qatysamyn dep tirkelgen balalar sol sabaqtar arqyly daıyndalady.
Shyǵys Qazaqstan oblysynyń 15 aýdanynyń balalary belsendi túrde qatysyp, óz baǵyn synaýda. Shyǵys Qazaqstannan Iqanat olımpıadasyna 2000-nan astam oqýshy qatysady dep josparlanýda. Kúnniń sýyqtyǵy, pandemııaǵa qaramastan oqýshylar óte belsendi qatysyp jatyr. Olımpıadanyń ashylý saltanatyna aýdannyń arnaıy qamqorshylary men IQanat High School of Burabay mektebiniń túlekteriniń ata-analary kelip qatysýda. Eriktiler olımpıadaǵa qatysýshylardy úılestirip, arnaıy qoldaý kórsetip, trenıgter júrgizdi.
Arýjan Amangeldi
Abaı aýdany, Qasqabulaq aýyly, erikti: Men jyl saıyn IQanat olımpıadasyna qatysamyn. IQanat olımpıadasy biz úshin úlken mereke. Biz IQanat olımpıadasyna óz erkimizben kelip, kómek kórsetemiz. Bıylǵy 8 synyptarǵa keńes berip, olımpıada múmkindikterin túsindiremiz. Biz úshin IQanat múmkindikter alańy, bolashaqqa berilgen úlken joldama.
Araılym Talǵatqyzy, Katon-qaraǵaı aýdany, Aqsý orta mektebiniń 8 synyp oqýshysy:
Men alǵash IQanat olımpıadasy jaıly ustazymnan estidim. Ol kisi bul olımpıadaǵa qatysý arqyly Qazaqstandaǵy nemese shet eldegi úzdik ýnıversıtetterge grantqa túsýge múmkindik baryn aıtty. Osylaısha baǵdarlamaǵa qatysyp, baǵymdy synap kórem dep sheshtim. Bizdiń aýdannan IQanat olımpıadasyna qatysyp, jetistikke jetken oqýshylar óte kóp.
Aıgúl Amreeva, Kókpekti aýdanynyń turǵyny, ata-ana:
Búgin meniń balam olımpıadaǵa qatysady. Biz otbasymyzben ulymyz Azamatqa qoldaý kórsetý úshin keldik. Meniń úlken qyzym Inara Januzaqova IQanat olımpıadasynyń jeńimpazdarynyń biri, búgin olımpıada da erikti retinde qatysýda. Aýyl balalaryna IQanat olımpıadasynyń bereri mol. Qyzym Inara jýyqta Býrabaıdaǵy IQanat mektebinde IQ IP baǵdarlamasy boıynsha bolyp qaıtty. Balamnyń alǵan áserin sózben jetkizý múmkin emes.
Maısa Jaıdaqbaeva, Ulan aýdany, muǵalim
Biz jyl saıyn ótetinIQanat olımpıadasyna belsendi qatysamyz. Jyl saıyn oqýshy daıyndap, oqýshylarymyzdyń Býrabaıdaǵy IQanat mektebinde oqýǵa múmkindik alýyna atsalysamyz. Qazirgi ýaqytta meniń shákirtterimniń aldy olımpıada jeńimpazdary bolyp, IQanat qorynyń bilim platformasynda bilimin jetildirýde. Eń qýanyshtysy- aýyl muǵalimderiniń eńbegi eskerilip, Iqanat muǵalimdermen de qarym-qatynas ornata bastaǵany qýantarlyq jaıt. Bıyl IQanat qoryn uıymdastyrǵan pedagogtardyń jyl saıynǵy kezdesýine baryp keldim.