Shyǵys Qazaqstanda «A» vırýsty gepatıtiniń órshýi tirkelgen joq - DSM

ASTANA. QazAqparat -Shyǵys Qazaqstan oblysy aýmaǵynda «A» vırýsty gepatıti aýrýshańdyǵynyń jappaı órshýi tirkelgen joq, dep habarlaıdy QR Densaýlyq saqtaý mınıstrliginiń baspasóz qyzmeti.

Qazirgi ýaqytta óńirde «A» vırýsty gepatıt aýrýshańdyǵynyń birli-jarym jaǵdaılary tirkeldi, olar bir-birimen baılanysty emes.

«A» vırýsty gepatıttiń órshýi bolyp, osy aýmaqta nemese jalpy ınfektsııa kózimen nemese berilý faktorlarymen baılanysty adamdardyń belgili bir toptaryna aýrýdyń kóp jaǵdaıynyń tirkelýi bolyp tabylady.

Shyǵys Qazaqstan oblysynda aǵymdaǵy jyldyń sońǵy 9 aı ishinde «A» vırýsty gepatıt aýrýshańdyǵynyń 34 jaǵdaıy tirkeldi. Sonymen qatar, statıstıka kórsetip otyrǵandaı, sońǵy jyldary Shyǵys Qazaqstan oblysynda «A» vırýsty gepatıt aýrýshańdyǵynyń tómendeýi baıqalady.

Qazaqstan Respýblıkasy halqynyń «A» vırýsty gepatıti syrqattanýshylyǵynyń kópjyldyq dınamıkasyn taldaý kórsetkendeı, sońǵy 16 jylda josparly ımmýndaý arqasynda syrqattanýdyń turaqty tómendeýi baıqalady. Osylaısha, 2016 jyly 2000 jylmen salystyrǵanda 68-ge esege deıin aýrýshańdyq tómendegen (2016 jyly 2,30, qarsy 2000 j. 156,47).

Sońǵy jyldary «A» vırýsty gepatıtiniń aýrýshańdyǵynyń jas qurylymynda aǵa jas toptaryna aýrýdyń yǵysýy baıqalady, eger buryn aýyrǵandardyń basym bóligi 14 jasqa deıingi balalar bolsa, qazir balalardyń úles salmaǵy edáýir tómendedi.

VGA syrqattanýshylyǵynyń aǵa jas toptary aralyǵyna yǵysýy 2000 jyldan balalarǵa 2 jastan bastap «A» vırýsty gepatıtine qarsy josparly vaktsınatsııalaý júrgizý jáne sanıtarlyq jaǵdaıyn jaqsartýmen (sapaly sýmen qamtamasyz etý) negizdelgen.

Qazaqstanda «A» vırýsty gepatıtine qarsy vaktsınasymen 2009 jylǵy 30 jeltoqsandaǵy № 2295 Úkimet qaýlysyna sáıkes jergilikti bıýdjet qarajaty esebinen, 2 jastaǵy balalar, sondaı-aq remıssııa kezeńindegi sozylmaly V jáne S vırýsty gepatıtpen aýyratyn jáne VGA oshaqtarynda turatyn on tórt jasqa deıingi naýqas balalar qamtamasyz etiledi.

«A» gepatıti - «A» gepatıti vırýsynan týyndaıtyn baýyr aýrýy. Aýrýdyń kózi naýqas adam bolyp tabylady. Infektsııa asqazan-ishek joldary arqyly beriledi. Negizgi berilý faktory bolyp, eń aldymen aýyz sý, sondaı-aq azyq-túlik ónimderi, kókónister men jemister esepteledi.

«A» gepatıtiniń profılaktıkasynyń negizgi ádisteri - bul gıgıenalyq tárbıe jáne mektepke deıingi jáne bilim berý mekemelerinde oqytý, epıdemııaǵa qatysty qaýipsizdigin qamtamasyz etetin tamaq ónimderiniń sapasyna qoıylatyn talaptardy saqtaý, tamaqtanýdy uıymdastyrý, sýmen qamtamasyz etý.