Shyǵys Qazaqstanda 6669 túlek UBT tapsyrady
«Bıyl oblys mektepterin támamdaıtyn 8490 túlektiń 6669-y UBT tapsyrýǵa ótinish bildirdi. Shyǵys Qazaqstan oblysynda 2017 jyldan bastap aımaq basshysy Danıal Ahmetovtiń tapsyrmasy boıynsha «Bilikti maman» jobasy tabysty júzege asyrylýda. Jobanyń negizgi maqsaty - mektep, kolledj túlekteriniń sheteldik joǵary oqý oryndaryna ketýin azaıtý jáne joǵary bilimniń qoljetimdiligin arttyrý. Aǵymdaǵy jyly oblys ákimdigi óńirdegi suranysqa ıe mamandyqtarǵa barlyǵy 400 bıýdjettik oryn bóledi. Oblys ákimdigi tarapynan jyl saıyn joǵary oqý oryndarynyń stýdentterin oqytýǵa úlken qarajat bólý qarastyrylǵan. Bir stýdentke orta eseppen 1 jylǵa 800 myń teńge, al oqýdyń barlyq tsıkline 4 mln teńge jumsalady. Jalpy 2017 jyldan bastap aǵymdaǵy jyly bólingen granttardy eskere otyryp, oqýdyń tolyq tsıkline qarjylandyrý 4,2 mlrd teńgeni quraıdy (1046 stýdentke). Bólingen qarajat oqytýshynyń eńbekaqysyn tóleý qoryn, shákirtaqy men stýdenttiń jolaqysyn qamtıdy, - dedi Ásem Núsipova.
Aıta ketsek, sońǵy jyldary mektep túlekteriniń ózge elderge oqýǵa ketýi aıtarlyqtaı tómendedi. Eger 2016 jyly oblys mektepteriniń 1800 túlegi oqýǵa elden tys jerlerge ketse, 2017 jyly - 890, 2018 jyly 636 túlek sheteldik joǵary oqý oryndaryn tańdaǵan (bul kórsetkish 2016 jylmen salystyrǵanda 35,3% qysqardy). 2019 jyly boljamǵa sáıkes, Qazaqstannan ózge elderde bilim alýdy josparlaǵandar sany 585 adamdy quraıdy. Sonymen qatar balalar úshin joǵary bilimniń qoljetimdiligi aıtarlyqtaı ósti. Eger 2017 jyly UBT tapsyrǵan oblys mektep túlekteriniń 48% bilim granttaryn alsa, 2018 jyly mektep túlekteriniń 56% respýblıkalyq jáne jergilikti granttarǵa ıe boldy. Óńirlik joǵary oqý oryndary túlekteriniń jumysqa ornalasý paıyzy artty (2017 jyly - 89,5%, 2018 jyly - 90,1%). Oǵan joǵary oqý oryndaryndaǵy bilim berý sapasynyń artýy sebep boldy.
