Shyǵys Qazaqstanda 53 myńǵa jýyq adam Pfizer vaktsınasyn saldyrdy

ÓSKEMEN. QazAqparat – Shyǵys Qazaqstan oblysynda 53 myńǵa jýyq adam Pfizer vaktsınasyn saldyrdy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńir boıynsha COVID-19 ınfektsııasyna qarsy amerıkalyq Pfizer vaktsınasyn saldyrý naýqany jalǵasýda. Oblysqa qarasha aıynyń basynda atalǵan ekpeniń 35 100 dozasy kelip túsken.

«Búgingi tańda Pfizer vaktsınasyn alatyndar sanatyndaǵy halyqty ımmýndaý jumystary qarqyndy júrýde. Aımaq boıynsha 12-18 jas aralyǵynda 48032 bala ekpe aldy. Olardy vaktsınalaý tek ata-anasynyń ruqsatymen júrgizilýde. Sondaı-aq 1100-ge jýyq júkti jáne 3700-den astam bala emizetin áıel ekpe saldyrǵan», - delingen aqparatta.

Osy sanattaǵy azamattar vaktsınanyń ekinshi komponentin de alýda. Naqty aıtqanda, 6 400-ge jýyq adam vaktsınalaý protsedýrasyn tolyqtaı aıaqtady.