Shyǵys Qazaqstan oblysynda qar kóshkini túsirildi

ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, búginde óńir aýmaǵynda qar kóshkini júrý qaýpi saqtalýda. Soǵan oraı «Qazseldenqorǵaý» ShQ fılıalynyń qyzmetkerleri men qutqarýshylar profılaktıkalyq kóshkin túsirý jumystaryn júrgizdi.

«Óskemen-Altaı» tasjolynyń 58-66 shaqyrymyndaǵy taý bókterinde 4 ret jarylys jasaldy. Sonyń nátıjesinde 11 400 tekshe metr qar túsirilgen. Birden joldy qardan tazartý jumystary qolǵa alyndy», - delingen aqparatta.

Osy rette, TJD qyzmetkerleri qar kóshkini qaýpine oraı turǵyndarǵa barynsha abaı bolýdy, eshbir jaǵdaıda taýǵa shyqpaý qajettigin eskertti. Eger qandaı da bir qıyndyqqa tap bolǵan jaǵdaıda «112» nómirine qońyraý shalyńyz.