Shyǵys Qazaqstan Arys turǵyndaryn qabyldaýǵa daıyn
Búgin aımaq basshysy oblystyń iri kásiporyn basshylaryn Arys qalasynda zardap shekkenderge kómek kórsetýge shaqyrdy. Qazirgi ýaqytta taý-ken metallýrgııa kesheni men óńdeý ónerkásibiniń kásiporyndary - «Kaztsınk» JShS, «ÚMZ» AQ, «TMK» AQ, Baqyrshyq taý-ken óndirý kásiporny 107 mln. teńge qarjy aýdardy. Etnomádenı birlestikter Arys qalasynyń turǵyndaryna kómek kórsetý qoryna 738 myń teńge aýdardy» - dedi ákim orynbasary Ásem Núsipova.
- 2017 jyldan bastap Shyǵys Qazaqstanda Nátıjeli jumyspen qamtý men jappaı kásipkerlikti damytý "Eńbek" memlekettik baǵdarlamasy júzege asyrylyp keledi. Bul baǵdarlamanyń basty maqsaty elimizdiń eńbek kúshi mol óńirlerinen, Shyǵys Qazaqstanǵa turǵyndardy kóshirý bolyp tabylady. Jumyspen qamtý jáne áleýmettik baǵdarlamalardy úılestirý basqarmasynyń málimeti boıynsha bıyl bizdiń oblysta qonys aýdarý baǵdarlamasy boıynsha 1 566 adamǵa kvota bólindi. Osy maqsattarǵa bizge respýblıkalyq bıýdjetten 736 mıllıon teńge bólinip otyr. Qańtar aıynan bastap Shyǵys Qazaqstanǵa 560 astam adam keldi. Eger Arys qalasynan ShQO-ǵa qonys aýdarýǵa nıet bildirgen azamattardyń sany arta tússe, respýblıkadan kvota sanyn kóbeıtý týraly ótinish jasaımyz. Sonymen qatar qonys aýdarýshylarǵa úılerine jóndeý jumystaryn júrgizýge, otyn-kómirmen jáne úı malymen qamtamasyz etýge qosymsha kómek kórsetý qarastyrylǵan, - dedi aımaq basshysynyń orynbasary.
Shyǵysqazaqstandyqtar Arys qalasyndaǵy baýyrlarynyń jaǵdaıyna beı-jaı qaramaı, qarjylaı jáne azyq-túlik, kıim-keshek túrinde kómek kórsetýde. «Túrkistan oblysyndaǵy qaıǵyly oqıǵalarǵa baılanysty biz Arys qalasynan 1000 adamdy qabyldaýǵa daıynbyz. Osy maqsatta oblys ókilderi Arys qalasyna shyǵýy josparlanýda, onda jergilikti turǵyndarǵa 1 528 bos oryn usynylady. Oblysta osy baǵytta kórsetilgen kómekterdiń kóptegen mysaldary bar. Mysaly, Shemonaıha aýdanyna úsh balasy bar otbasy kóship keldi. Qazir anasy sharýa qojalyǵynda aspazshy bolyp jumys isteıdi, al ákesi - ár túrli jumysshy. Olar barlyq sýbsıdııa aldy. Balalar tegin mektep formasymen, tamaqpen qamtamasyz etilgen. Sonymen qatar, sharýa qojalyqtary óz qalaýy boıynsha 15 jyl turyp, sharýa qojalyǵynda jumys istegennen keıin otbasyna tolyq tıesili bolatyn úı bere alady. Mundaı áleýmettik paketter Aıagóz, Zaısan, Kúrshim aýdandary men Altaı aýdanynda bar. Ótken jyly bizge 1 050 adam kóship keldi. Olardyń kópshiligi óz bıznesin ashyp, jumysqa ornalasty, óńirimizdiń ómirine belsendi qatysýda» - dedi Ásem Núsipova.
