Shýmaherdiń 12 jyldan keıin múgedekter arbasymen qozǵala bastaǵany belgili boldy

ASTANA. KAZINFORM – «Formýla-1» jarysynyń jeti dúrkin chempıony Mıhael Shýmaher shańǵy apatynan 12 jyl ótken soń alǵash ret múgedekter arbasymen qozǵala bastady, dep habarlaıdy The Sun basylymy.

57 jastaǵy sportshynyń jaraqatynan tolyq aıyǵyp ketýi týraly buǵan deıin resmı málimetter jarııalanbaǵan.

Qazirgi ýaqytta derekkózderdiń habarlaýynsha, Shýmaher Maıorkadaǵy úıinde múgedekter arbasyn qoldanyp júr. Alaıda ol áıeli men medıtsınalyq qyzmetkerlerdiń kómegimen qozǵalady. 

Aıta keteıik, Mıhael Shýmaher apat bolǵannan beri kópshilik aldyna shyqqan joq. 

Byltyr onyń úıindegi burynǵy úsh qyzmetkeri qazirgi jaǵdaıy týraly kóp fotosýretti jarııalaýmen qorqytqany úshin sottalǵan bolatyn. 

Eske salsaq, buǵan deıin ajal aýzynda jatqan Mıhael Shýmaherdiń boıy 14 sm qysqarǵanyn habarlaǵan edik.