Shý turǵynynan 5 kelige jýyq «gashısh» tabyldy
Jedel-izdestirý is-sharalary barysynda Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Moıynqum aýylynan 5 shaqyrym jerde Shý qalasynyń 31 jastaǵy turǵynyn ustady, odan tintý barysynda jalpy salmaǵy 4 keli 704 gr «gashısh» esirtki zaty tabylyp, tárkilendi.
– Ustalǵan er adam kinásin tolyq moıyndap, Shý qalasynyń ýaqytsha ustaý ızolıatoryna qamaqqa alyndy. Qazaqstan Respýblıkasy Qylmystyq kodeksiniń 297-baby 3-bóligi (Esirtki zattardy, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý) boıynsha sotqa deıingi tergeý amaldary bastaldy, – dedi Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń bastyǵy Asqar Jumabekov.
