Shý qalasynda polıtsııa toqtatqan kólikten bir qap marıhýana tabyldy

ShÝ. QazAqparat - Shý qalasynda eki turǵynnan 12,5 keliden astam «keptirilgen marıhýana» tárkilendi, dep habarlaıdy QazAqparat Polisia.kz-ke silteme jasap.

22 tamyzda Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Ulttyq ulanynyń № 5517 áskerı bólimimen birlesip, Shý qalasynda VAZ-21015 markaly avtokólikti toqtatty. Kólikte 49 jáne 35 jastaǵy jergilikti turǵyndar bolǵan. «Chernysh» atty ıisshil ıttiń kómegimen avtokólikti tintý barysynda polıetılen qapqa salynǵan, jalpy salmaǵy 12,5 keliden asatyn «keptirilgen marıhýana» tabylyp, tárkilendi.

«Ustalǵandar kinásin moıyndap, Shý qalasynyń ýaqytsha ustaý ızolıatoryna qamaldy. Qylmystyq kodekstiń 296-baby 4-bóligi (asa iri mólsherde esirtki quralyn zańsyz saqtaý) boıynsha sotqa deıingi tergeý amaldary bastaldy. Atalǵan qylmysty jasaǵany úshin úsh jyldan jeti jylǵa deıingi merzimge bas bostandyǵynan aıyrý jazasy qarastyrylǵan», – dedi Jambyl oblysynyń PD Esirtki qylmysyna qarsy is-qımyl basqarmasynyń bastyǵy Asqar Jumabekov.