Shrı-Lankanyń eks-prezıdenti qamaýǵa alyndy
ASTANA. KAZINFORM — Shrı-Lankanyń eks-prezıdenti Ranıl Vıkremesınghe 22 tamyzda memleket qarajatyn jeke paıdasyna paıdalandy degen kúdikpen qamaýǵa alyndy, dep habarlaıdy Al Arabiya.
Polıtsııanyń málimetinshe, Vıkrmesınghe 2023 jyldyń qyrkúıeginde áıelimen Londonǵa barǵanyna baılanysty jaýapqa tartylyp, sodan keıin qamaýǵa alyndy.
— Ol Kolombo Fort sotyna jetkiziledi. Oǵan memleket qarjysyn zańsyz paıdalandy degen aıyp taǵylyp otyr, — dedi tergeýshilerdiń biri.
Eks-prezıdent pen onyń jubaıy Maıtrı Ulybrıtanııadaǵy Výlverhempton ýnıversıteti uıymdastyrǵan sharaǵa qatysqany belgili boldy. Vıkramasıngheniń Gavanadaǵy G77 sammıtinen oralýy daýǵa ulasty. Ol jol shyǵynyn áıeli tólegenin, memleket qarajaty ıgerilmegenin aıtty. Alaıda polıtsııanyń qylmyspen kúres bólimi onyń jeke sapardy memleket esebinen jasaǵanyn, oqqaǵarlarynyń jalaqysy da bıýdjet esebinen tólengenin aıtty.
Ranıl Vıkramasınghe 2022 jyldyń shildesinde halyq narazylyǵynan keıin otstavkaǵa ketken Gotabaıa Radjapaksanyń ornyna keldi. Ol sol kezdegi el tarıhyndaǵy eń aýyr qarjylyq daǵdarysty toqtatýda sheshýshi ról atqardy. Osydan keıin Vıkrmesınghe 2024 jyldyń qyrkúıeginde ótken prezıdenttik saılaýda qaıta saılana almady.
Eske sala keteıik, Shrı-Lankadaǵy prezıdent saılaýynda Anýr Kýmar Dıssanaıake jeńiske jetken edi.