Shoý-bıznes juldyzdarynyń dinı máselelerdi kóterýi durys pa – Komıtet jaýaby
«Sońǵy ýaqytta shoý-bıznes juldyzdary, qoǵamdyq pikir jetekshileri dinı máseleler týraly pikir aıta bastady. Áleýmettik jelide úlken aýdıtorııasy bar, biraq arnaıy dinı bilimi joq adamnyń din taqyrybynda sóıleýi, pikir bildirýi qanshalyqty durys?», - degen suraq qoıyldy Ortalyq kommýnıkatsııalar qyzmetinde.
«Bul másele óte ózekti, qazir dinı bilimi bar adamdar da, joq adamdar da pikir bildirip jatady. Meniń aıtarym, din taqyryby – óte kúrdeli, óte názik taqyryp, sondyqtan oǵan daıyndyqpen kelgen durys. Bul salada oı aıtý úshin, usynys berý úshin sanaly túrde aqyl-oı jınaqtap kelý kerek jáne sol salanyń mamany bolý kerek. «Shymshyq soısa da, qasapshy soısyn» degen maqal bar. ıAǵnı, ár salanyń mamany bolý kerek. Al qandaı da bir úrdis úshin nemese óz tanymaldyǵy úshin memlekettikke, birlikke nuqsan keltirýge bolmaıdy, bul shatysýǵa alyp keledi. Sol sebepti mamandar jumys isteýi kerek. Árıne basqalar da óz pikirin bildirýge erikti, biraq halyqty adastyrmaýy kerek», - dep jaýap berdi Din isteri komıtetiniń tóraǵasy.
Aıta keteıik, bıyl birinshi jartyjyldyqta 84 myńnan astam adam áleýmettik jelidegi radıkaldy toptardan shyǵaryldy. Dinı ekstremızm men terrorızm ıdeıalaryn nasıhattaıtyn 80 myńnan astam materıal joıylyp, 300-den astamy buǵattalǵan.
6 qazanda Nur-Sultan qalasynda Álemdik jáne dástúrli dinder kóshbasshylarynyń sezi ótedi.
